بە ڕاپۆرتی ئاژانسی هەواڵی مێهر بە گێڕانەوە لە ئاژانسی هاوار، شێخ مەروان ڕەزق لە گەورەکانی درۆزیی ناوچەی سوەیدا و وتەبێژی ئەوانم لە لێدوانێکدا بە ئاماژە بە ویستی خەڵکی سوەیدا بۆ ژیان لە ئاشتی و دادپەروەری لە چوارچێوەیەکی مەدەنی و دیموکراتیک، جەختی کرد: درۆزییەکان خوازیاری ئاسایش و حەوانەوە و دەسەڵاتی لامەرکەزی لە سووریان.
ناوبراو بە ئاماژە بە کرانە ئامانجی لە لایەن درۆنێکی دەوڵەتی کاتی سووریا و برینداربوونی لەو ڕووداوەدا، وتی: لە هێرشی ئەمدواییەی هێزەکانی دەوڵەتی و ملیشیاکانی سەر بەوان بۆ ناوچ درۆزی‌نشینەکان و لەوان سوەیدا، زیاتر لە 1300 کەس کوژراون.
شێخ ڕەزق وتیشی: دۆخی نەخۆشخانەکانی سوەیدا لەو ماوەیەدا قەیرانی و کارەساتبار بوو و ڕێژەی زۆری کوژراو و برینداران ببووە هۆی دابەزینی بەرچاوی خزمەتگەیاندن بە خەڵکی.
وتەبێژی درۆزییەکانی سوەیدا بە ئاماژە بە هێرشی هەزاران کەس بە تانک و زرێپۆش بۆ سەر شارەکانی دەرعا و سوەیدا و تاڵانی داراییە گشتییەکان، داوای لە کۆمەڵگای نێودەوڵەتی کرد بۆ وەستاندنی ئەو کۆمەڵکوژییانە هەوڵ بدەن.
Your Comment